Hukum Itu Pembuktian, Ndak Bisa Dibali jo Kepeang
Kontributor SBNews.co.id dalam menjalankan tugas peliputannya dilengkapi dengan Id Card yang masih berlaku serta namanya tercantum di box redaksi. Jika anda memiliki keluhan terkait kinerja tim kami dilapangan silahkan hubungi 08772666229

Hukum Itu Pembuktian, Ndak Bisa Dibali jo Kepeang

10 September 2019

Ilustrasi.

Padang, SBNews (Berita Minang) - Sasuai konfirmasi ughang nan ndak namuah disabuik namo e, sasudah baliau kanai tangan, kini pengharapan e untuk mandapekkan keadilan. Di sabuah kota nan gadang, tampek wek e maghantau, peristiwa mamilukan hati masih segar dalam ingatan.

Wek e kini berharap, palaku nan sabana e, nan dzolim tu, bisa dikaja dan di adili. Baliau yakin bana, kalau apak polisi adil dalam mampatimbangkan hukum.

"Kito baharok nan palaku bisa dihukum se adil - adilnyo. Bakeh tangannyo masih malakek sampai kini ko," kecek ughang nan ndak namuah disabuik namo e tadi tu, jo nada sadiah.

Nan diduga pelaku tu, yo pandai bana basilimuik sutera. Pandai mancaliakkan ka ughang bantuak nan lusuah baibo - ibo hati, sahingga wek takesan elok laku dan ibo lo ughang mancaliak e.

Kalau nan diduga ughang dzolim tadi tu, ba usaho manutuik busuak ikan asin jo koran, tantu nan busuak tetap babaun juo lamo lambeknyo. Sabauk, hukum ntu pambuktian dan indak bisa dibali jo kepeang. Kalau bausaho manyalamaiak diri, tantu fitrah sado ughang, tamasuak mukhaluak bakaki ampek.

"Salain keadilan, ambo baharok juo, ughang bisa tahinda dari kejahatan wek e nan dzolim ka ambo jo kawan ambo tu. Sabaok, wek e ko pandai bana lips service, sahingga ndak disangko ughang, wek e babuek takah tu. Tapi, Ambo masih yakin; hukum masih ado di nagari kito ko," tukuak ughang tadi tu. (Rico Adi Utama)

close
Banner iklan disini